Сәтбаев. Қ.И. Шығармалар жинағы. 10 томдық. 1-том. Қазақстан табиғи байлықтары және ғылымы.

Бұл томға Ұлт мақтанышы, академик Қ.И. Сәтбаевтың Қазақстан ғылымының басты ұйымдастырушысы және жетекшісі ретіндегі қызметін көрсететін материалдар енгізілген. Еңбектер қазақ ғылымы дамуының кезеңдеріне сәйкес: ертеде және КСР Ғылым академиясының Қазақ филиалы, Ұлы Отан соғысы жылдары ашылуы; 1946-1951 жылдары Қазақстан Ғылым академиясы; Қазақстан ғылым академиясының Президенттігінің екінші кезеңі — осы қызметке қайта оралған 1955 жылдан өмірінің соңғы күндеріне дейінгі қызметін сипаттайтын материалдар енді. Ғұлама ғалымның еліміздің табиғи байлықтарының көзін ашушы әрі оны игерудегі орасан зор ролі және Қазақстанды дамыту бағыттарының көптеген мәселелері көрініс тапқан. Ғалымның Отанына деген шексіз сүйіспеншілігін, туған жерін өркениетті мемлекеттер қатарынан көруге және өз Елі мен халқының гүлденуіне бар күш-жігерін жұмсағанын айқын көреміз.
Еңбек қазақ экономикасы және ғылымының даму тарихына, тұлғатану саласындағы тарихи тұлғаны тереңірек білуге қызығушылық танытатын оқырман қауымға арналады.